"Anukaranaya"

අනුකරණය

  

එක්තරා පිටිසර ගමක ඉතා පැරණි පන්සලක් පිහිටා තිබුණා. මේ පන්සලේ වැඩවාසය කළේ නායක හාමුදුරුවන් සහ පොඩි හාමුදුරුවන් පමණයි. ගම ඉතා දුෂ්කර ගමක් වූ නිසා නායක හාමුදුරුවන්ට සහ පොඩි හාමුදුරුවන්ට දානය සපයා ගැනීමට පිණ්ඩපාතය වඩින්නට සිදුවුණා. 

මෙසේ පිණ්ඩපාතය වඩින විට නායක හාමුදුරුවන් ඉදිරියෙනුත්, පොඩි හාමුදුරුවන් පිටිපසිනුත් වැඩ ම කළා. ලොකු හාමුදුරුවන් තමන්ට දානය ලැබෙන සෑම අවස්ථාවක ම මදක් ඉදිරියට ගොස් පාත්තරය ඉහළට ඔසවා එහි යටි පැත්ත දෙස බැලීමට පුරුදුව සිටියා. මෙය සෑම දිනක ම දකින පොඩි හාමුදුරුවන් ද තමන්ට දානය ලැබුණු සෑම අවස්ථාවක දී ම පාත්තරය ඔසවා බලන්නට පුරුදු වුණා. 

දවසක් පොඩි හාමුදුරුවන් ද තමා මෙන් ම දානය ලැබෙන සෑම අවස්ථාවක දී ම පාත්තරය ඔසවා බලන ආකාරය නායක හාමුදුරුවන්ගේ නෙත ගැටුණා. නිහ`ඩ ව ම පන්සලට වැඩිය නායක හාමුදුරුවන් දන් වළ`දා අවසානයේ පොඩි හාමුදුරුවන් අමතා මෙසේ විමසුවා. ”පොඩිනම මොකද දානය ලැබෙන හැම අවස්ථාවෙදි ම පාත්තරය ඔසවා බලන්නෙ?” එයට පිළිතුරු ලබාදුන් පොඩිනම පවසා සිටියේ, ”නායක හාමුදුරුවෝ දන් ලබන විට එසේ සිදුකරන නිසා තමා ද එසේ සිදුකරන බවයි” එය ඇසූ නායක හාමුදුරුවන්ට සිනහ නොවී සිටීමට නොහැකි වුණා. 

නායක හාමුදුරුවන් විසින් දන් ලබන සෑම අවස්ථාවක ම පාත්තරය ඔසවා බැලීමට හේතු වී ඇත්තේ, තමාගේ පාත්තරය පතුලෙන් සිදුරු වී තිබීමයි. දන් බෙදන අවස්ථාවල දී එතැනින් දානය බිම ඉහිරිය හැකි නිසා පාත්තරය ඔසවා බලා සැමවිට ම එම ස්ථානයට අත තබා ගැනීමට තමන් කටයුතු කළ බව නායක හාමුදුරුවන් විසින් පොඩි හාමුදුරුවන්ට පැහැදිළි කළා. 

අනෙක් අය කරන හැම දෙයක් ම කිසිදු විමසීමකින් තොර ව අනුකරණය කරන පිරිස් අප සමාජයේ ද බොහෝමයක් අවස්ථාවල දී දැක ගතහැකිය. යමක් කිරීමට පෙර සැමවිට ම ඒ පිළිබ`ද මනා අවබෝධයකින් යුතුව කටයුතු කිරීමට වගබලා ගැනීම තුළින් ඔබට සමාජය ඉදිරියේ මුහුණපාන්නට සිදුවන බොහෝ අපහසුතාවලින් මිදීමට නියත වශයෙන් ම හැකියාව ලැබෙනු ඇත.

                                                                                                      

                                                                                                                 - චතූ -